تابيعي قورىقتاردى رەتتەۋ، باسقارۋ بەلگىلەمەسى جاريالاندى【新闻】

«اۆتونوميالى رايوننىڭ تابيعي قورىقتاردى رەتتەۋ، باسقارۋ بەلگىلەمەسى» جاريالاندى

اۆتونوميالى رايوندىق قورشاعان ورتانى قورعاۋ مەڭگەرمەسىنىڭ جۋىقتا اشقان اقپار جاريالاۋ جيىنىنان ۇعىسۋىمىزشا، تاياۋدا اۆتونوميالى رايوندىق حالىق ۇكىمەتى كەڭسەسى «شينجياڭ ۇيعۇر اۆتونوميالى رايوننىڭ اۆتونوميالى رايون دارەجەلى تابيعي قورىقتاردى رەتتەۋ، باسقارۋ بەلگىلەمەسىن» (تومەندە قىسقارتىلىپ «بەلگىلەمە» دەلىنەدى) باسىپ تاراتقان. «بەلگىلەمە» 17 تارماقتان قۇرالعان، وندا، باستىسى، اۆتونوميالى رايون دارەجەلى تابيعي قورىقتاردى رەتتەۋدىڭ مازمۇنى، رەتتەۋدىڭ پرينسيبى، رەتتەۋدىڭ قيسىنى، رەتتەۋدىڭ ءتارتىبى جانە جاۋاپكەرشىلىكتى قۋزاۋ ايقىن كورسەتىلگەن، سونىمەن بىرگە، اۆتونوميالى رايون دارەجەلى تابيعي قورىقتاردىڭ ەرەكشەلىگىنە قاراي، قورعاۋ وبيەكتىلەرى، مالىمدەۋ ماتەريالدارى سياقتى جاقتار دا ەگجەي - تەگجەيلى تۇسىندىرىلگەن.

اۆتونوميالى رايوندىق قورشاعان ورتانى قورعاۋ مەڭگەرمەسى تابيعي ەكولوگيانى قورعاۋ باسقارماسىنىڭ ورىنباسار باستىعى سابەي بايتولەۋ ۇلىنىڭ تانىستىرۋىنشا، «بەلگىلەمەنى» جاريالاۋداعى ماقسات − تابيعي قورىقتاردى قورعاۋ جونىندەگى زاڭ - ەرەجە تۇزىمدەردى ونان ارى كەمەلدەندىرىپ، تابيعي قورىقتاردى باسقارۋ قىزمەتىن كۇشەيتىپ، تابيعي قورىقتاردى باسقارۋ ورەسىن جوعارىلاتىپ، اۆتونوميالى رايون دارەجەلى تابيعي قورىقتاردىڭ جاراتىلىستىق ورتاسىن، جاراتىلىستىق بايلىعىن جانە ورگانيزمدەردىڭ الۋان تۇرلىلىگىن ءونىمدى قورعاپ، تابيعي قورىقتاردى رەتتەۋمەن باسقارۋعا زاڭدىق نەگىز ازىرلەۋ.

«بەلگىلەمەدە» مىنالار ايقىن كورسەتىلگەن: اۆتونوميالى رايون دارەجەلى تابيعي قورىقتاردى رەتتەۋدە پرينسيپتىك جاقتان وزەكتى رايوننىڭ، ارالىق ءوڭىردىڭ كولەمىن كىشىرەيتۋگە، ەكولوگيالىق جۇيە مەن ەكولوگيالىق بارىستىڭ بۇتىندىگىن بۇلدىرۋگە، ورگانيزمدەردىڭ الۋان تۇرلىلىگىنە زيان جەتكىزۋگە، تابيعي قورىقتاردىڭ سيپاتىن وزگەرتۋگە بولمايدى. تابيعي قورىقتى قۇرۋ بەكىتىلگەن نەمەسە اۆتونوميالى رايون دارەجەلى تابيعي قورىقتاردى رەتتەگەن كۇننەن باستاپ، پرينسيپتىك جاقتان 5 جىل ىشىندە قايتا رەتتەۋگە بولمايدى.

تانىستىرۋعا قاراعاندا، قازىرگە دەيىن، اۆتونوميالى رايون كولەمىندە مەملەكەتتىك كەڭەستىڭ جانە اۆتونوميالى رايوندىق حالىق ۇكىمەتتىڭ بەكىتۋىمەن قۇرىلعان تابيعي قورىق 29، مۇنىڭ 15ى مەملەكەت دارەجەلى، 14ى اۆتونوميالى رايون دارەجەلى تابيعي قورىق ەكەن.

«شينجياڭ گازەتىنەن»

阿勒泰日报哈萨克文微信公众平台

相关文章推荐